ماكينات لحام اكياس من شركة المهندس منسى

ماكينات لحام اكياس من شركة المهندس منسى

العميل: سلام عليكم

المهندس منسى: عليكم السلام ورحمة الله وبركاته

العميل: حضرتك شغال في الأكياس مش كده

المهندس منسى: آه

العميل: طب دلوقتي لو عايز أكياس 15 كيلو هعبي فيها نشارة 15 كيلو وتبقى متثبتة

المهندس منسى: إنت عايز أكياس إيه؟ أنا شغال في الأكياس الحديثة، زي كيس سكر الأسرة وكيس سكر الضحى… وكده يعني

العميل: آه… لكن مثلاً لو حبيت أعبي نشارة مثلاً شوال 15 كيلو كده بلاستيك

المهندس منسى: آه.. إنت عايز كمية أد إيه؟

العميل: والله يعني حوالي 4000 شوال معرفش بقى يجيي أد إيه؟

المهندس منسى: بص يا سيدي أنا ستوك أوروبي من ألمانيا، سعره في الأرض، سعره رخيص قوي، واخد بالك، فده أنا ممكن أديهولك رولات وتفصله أكياس، وأعلمك إزاي تفصله

العميل: أفصله أنا

المهندس منسى: آه وأعلمك إزاي تفصله

العميل: تمام… وهوه التفصيل دوه محتاج إيه مكن

المهندس منسى: آه مكنة آه عندنا المكنة ديت بـ ، يعني

العميل: والخامة دي متوفرة على طول؟

المهندس منسى: آه إن شاء الله أنا عندي كميات، أنا عندي 25 طن إذا كنت جدع خدهم، أنا هقولك على حاجة كويسة قوي، مثلاً إنت هتشتري من بره لما تشتري من بره هتشتري الكيلو مثلاً بـ 20 جنيه مثلاً فرضاً، هوه مش بـ 20 هوه أكتر من 20، فإنت هتشتري من عندي أنا بـ 10 لأن ده ستوك، تروح عامل إيه، تعمل حركة ذكية قوي، تقول كأني اشتريته بـ 20 وبدل ما تاخد كيلو تاخد 2، وتحط الكيلو التاني عندك إيه….

العميل: ستوك

المهندس منسى: ستوك…. الله ينور عليك

العميل: طب أقدر أطلعه زي ما أنا عايز ولا إيه؟

المهندس منسى: آه طبعاً ما هو تفصيلك ما إنت اللي بتفصل

العميل: طب تمام، طب وبكام بقى سعره؟

المهندس منسى: رزقك يا مرزق

العميل: ربنا يخليك ربنا يبارلك

المهندس منسى: الكيلو بـ 10 جنيه

العميل: طيب تمام، والمكنة موجودة عند حضرتك بـ 2000 جنيه

المهندس منسى: آه…

العميل: بس هي مكنة بدائية ولا محتاجة عامل فني

المهندس منسى: ولا عامل فني ولا عامل…. أي واحد، هتقف الناس اللي عندنا هيعلموك عليها

العميل: تمام.. حضرتك موقعك فين بقى عشان أنا من إسكندرية

المهندس منسى: إحنا عندنا حدائق القبة، مدينة نصر، باب الشعرية، غمرة، 6 أكتوبر، العبور

العميل: حلوة 6 أكتوبر دي من بره بره بدل ما أخش في الزحمة

المهندس منسى: توكلنا على الله، هبعتلك دلوقتي العنوان بتاع 6 أكتوبر، هتقوله أنا كلمت المهندس منسي وقالي في عندكم خامة بتاعت أكياس ستوك شكاير بتاعت شكاير قالي موجودة في الفرع بتاع أكتوبر

العميل: طيب تمام…

المهندس منسى: عشان ما يبوظلكش الوضع لأنهم مش متخصصين شويه يعني

العميل: خلاص ماشي، ماشي يا باش مهندس، ربنا يخليك، أنا هستنى بقى العنوان

المهندس منسى: ماشي يا غالي

العميل: شكراً ليك، اتفضل