ماكينة تعبئة وتغليف سكر ورز الاتوماتيك والنص اتوماتيك من شركة المهندس منسي
ماكينة تعبئة وتغليف سكر ورز الاتوماتيك والنص اتوماتيك من شركة المهندس منسي
| العميل | : | السلام عليكم |
| المهندس منسي | : | عليكم السلام ورحمة الله وبركاته |
| العميل | : | إحنا كنا بنسأل على ماكينة تعبئة وتغليف سكر ورز |
| المهندس منسي | : | موجودة |
| العميل | : | محلي ولا مستورد؟ |
| المهندس منسي | : | إحنا ماركة براند |
| العميل | : | ماركة، طب إيه؟؟ تركي ولا إيطالي؟؟ |
| العميل | : | طيب لو أنا عايزه مكنة للربع والنص والكيلو رز وحبوب |
| المهندس منسي | : | آه هي مكنة الكيلو بتعبي لك كل الجرامات لغاية كيلو، يعني تعبي لك من 50 جرام لغاية كيلو |
| العميل | : | والسرعة بتاعتها أد إيه؟ |
| المهندس منسي | : | السرعة بتاعتها تتحدد بناء على خامة الماتيريال هي فيها سرعة لغاية 120 في الدقيقة، ولكن اللي بيتحكم في السرعة مش المكنة، اللي بيتحكم في السرعة نوع الخامة ودرجة هرولة المادة المعبئة، يعني الماتيريال اللي هي هتتلحم هتتلحم على سرعة كام؟ |
| العميل | : | تمام.. يعني حسب المواصفات اللي هشتغل عليها، يعني نقول مثلاً من 70-80 ده المتوسط |
| المهندس منسي | : | مش فاهماني، يعني إنت ممكن تشغليها على 120 ولكن النتائج إيه؟؟ النتائج بتبقى مع الممارسة مع الخامة بتاعتك |
| العميل | : | طب لو أنا بتكلم على متوسط التشغيل |
| المهندس منسي | : | آه.. مثلاً لو عايزه تريحي مكنتك وتبقى كويس ومعقول في حدود 3-3.5 طن في الساعة |
| العميل | : | طب و يا فندم؟ |
| المهندس منسي | : | إنت عايزه نص أتوماتيك ولا أتوماتيك؟ |
| العميل | : | النص إيه اللي بعمله؟ |
| المهندس منسي | : | النص بتديلها الأكياس وهي تعبيها وبعد كده تحطيها على لحام سير |
| العميل | : | بتحتاج كام عامل يعني؟ |
| المهندس منسي | : | بتحتاج عامل واحد |
| العميل | : | وفي الفل ما بحتاجش عامل خالص؟ |
| المهندس منسي | : | في الفل بتحتاج عامل |
| العميل | : | تشغيل بس آه |
| المهندس منسي | : | ولكن في الفل أتوماتيك العامل الواحد يقدر يشغل 12 مكنة |
| العميل | : | طيب، إحنا سعر الفل كام والنص كام؟ |
| المهندس منسي | : | النص أتوماتيك بتعمل أو ما يعادله بالجنيه المصري، والأتوماتيك بتعمل أو ما يعادله بالجنيه المصري، إحنا بنسعر بالدولار عشان نضمن ثبات الأسعار |
| العميل | : | آه ده الفرق كبير، طيب والمواتير الصناعة؟ |
| المهندس منسي | : | مواتير إيه؟؟ إحنا شغالين من سنة 2006 ما غيرناش موتور، عندنا شويه مواتير تيجي تشريهم؟؟؟ |
| العميل | : | أشتري، إحنا عندنا مصنع فول سوداني |
| المهندس منسي | : | صدقيني من سنة 2006 جيت بعديها بـ 5 سنين أقلت اشتري قلت الناس هيبتدوا يطلبوا، صدقيني السبير بارتس أهو التراب هياكلها |
| العميل | : | هي المواتير بتاعت حضرتك منشأها إيه؟ |
| المهندس منسي | : | إحنا عايزين نلغي كلمة منشأ دي، إحنا بيتضحك علينا بكلمة منشأ دي، إنت دلوقتي لما تيجي تشتري آي فون، هو مش المفروض إنه أمريكي؟ |
| العميل | : | المفروض آه بس بيتصنع في الصين طبعاً، بس كبراند مختوم…. |
| المهندس منسي | : | الله ينور عليكي هي دي القصة اللي عايز أفهمها لك، إنت |
| العميل | : | معايير الجودة |
| المهندس منسي | : | إحنا واخدين على فكرة شهادة معايير الجودة، ولكن مش مهتمين بيها قوي لأن اسمنا أعلى من أيزو |
| العميل | : | هي الماركة اسمها إيه يا فندم؟ |
| المهندس منسي | : | اكتبي كده ماركة المهندس منسي، والجملة التانية اكتبي المهندس منسي في معرض الصين الدولي، وافتخري بابن بلدك |
| العميل | : | طبعاً برده، طب حضرتك ليه هبيع لي بالدولار |
| المهندس منسي | : | أنا بقولك أنا بسمي بالدولار لضمان ثبات الأسعار، أما المكالمة بتاعتي متسجلة، أعلن لك سعر، وبعد كده تيجي بعد كده الجنيه ينزل أو يطلع تيجي تطالبيني، إحنا ناس ملتزمين جداً يعني الكلمة اللي تخرج من بقي ملتزم بيها |
| العميل | : | طب خلاص تمام يا فندم، ماشي، أنا ممكن بقى مواصفات فنية للمكنة حضرتك تبعتها لي ؟ |
| المهندس منسي | : | الحاجة موجودة بضاعة حاضرة |
| العميل | : | طيب خلاص ماشي يا فندم شكراً |
| المهندس منسي | : | مع السلامة |