ماكينة تعبئة وتغليف الملح ماركة مهندس منسي
ماكينة تعبئة وتغليف الملح ماركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: شركة المهندس منسي
المهندس منسي: أيوه يا باشا
العميل: إزي حضرتك عامل إيه
المهندس منسي: الحمد لله
العميل: والله أنا جيبت رقمك من على النت من موقع على النت اللي هوه ماكينات التغليف والتعليب وكده
المهندس منسي: آه
العميل: إزي حضرتك عامل إيه؟
المهندس منسي: الحمد لله
العميل: معاك المهندس سامح شحاتة
المهندس منسي: أهلاً وسهلاً
العميل: أهلاً بحضرتك
والله بعض أصدقائي كانوا بيعملوا مشروع ما كده، فعاوزين علب إنت عارف العلب البلاستيك اللي هي زي بتاعت السعودية اللي هي ريال أو 2 ريال دي
المهندس منسي: هوه عموماً إحنا نقدر تعبي العلب البلاستيك اللي بيتعبى فيها الملح كلها بجميع أنواعها
العميل: تمام، بس إحنا عاوزين بقى المكنة اللي بتعبي، يعني نحط الملح عاوزينه يتعبى في العلب دي
المهندس منسي: عندنا الـ 2، عندنا المكنة اللي بتعبي، وعندنا نقدر نصنعلك العبوة نفسها
العميل: بس العبوة دي أمرها سهل جداً، دي أسهل حاجة
إن كان مثلاً ناخد مكنة هنا ومكنة بره مصر، فالعبوات دي أمرها سهل يعني، إنما الماكينة نفسها هي اللي عاوزين نتفق فيها
المهندس منسي: مافيش مشكلة
العميل: اللي هي تعمل مثلاً نص كيلو، أو 400 جرام، وخط يعبي 2 كيلو، وخط كيلو كده يعني
المهندس منسي: إن شاء الله
العميل: بكام المكن ده يا باش مهندس؟
المهندس منسي: في نص أتوماتيك وفي أتوماتيك
العميل: خلينا في الأتوماتيك
المهندس منسي: نقول النص أتوماتيك الأول، بتعمل
وبعد كده الأتوماتيك بتعمل حوالي
العميل: إيه اللي بـ الماكينة كاملة؟
المهندس منسي: آه مكنة التعبئة بس
العميل: يعني حوالي كام مصري يعني حوالي
المهندس منسي: ضربها بقى × 18… إحنا بنسمي بس بالدولار ولكن عادي لو عايز تدفع بالجنيه مافيش مشكلة
آه بالجنيه يا باشا إحنا في مصر
العميل: طيب أنا الرقم ده عليه واتس، حضرتك عندك ماكينات جاهزة نتفرج عليها، مكانك فين الأول؟
المهندس منسي: إحنا عندنا حدائق القبة، مدينة نصر، باب الشعرية، 6 أكتوبر
العميل: آه… أنا في سكان التجمع، حتى المكتب بتاعي في التجمع برده
المهندس منسي: آه
العميل: لو عند حضرتك مندوب بس نتقابل في مكان، بس طبعاً بالنسبة مدينة نصر أسهل
المهندس منسي: هوه بالنسبة لنا صعب إن إحنا نبعت مندوب وكده، لأنه كم الاستفسارات علينا كبير، والتنفيذ ضعيف جداً في مقابل الاستفسارات، يعني ده إحنا كمان بالنسبة في الاستفسار صعب
العميل: آه…
المهندس منسي: فكم… فإحنا لو كل واحد استفسر طلعناله مندوب ده صعب قوي، عملية تبقى مرهقة جداً بالنسبة لنا
العميل: أنا أجيلكم…
المهندس منسي: إنت تيجي تنورنا
العميل: أنا عاوز أشتري
المهندس منسي: كمان الموضوع إنك لما تيجي بتتفرج على عدد من الماكينات بده بيسهلك الدنيا قوي
العميل: آه
المهندس منسي: بتتعرف على كل المكن، وبتتعرف على أنواعه، وبيقعد معاك مهندس متخصص بيعرفك كل حاجة
العميل: طب مدينة نصر مين ممكن يقابلني هناك؟
المهندس منسي: هناك هتلاقي المهندس أحمد هيقابل حضرتك
أنا هبعتلك الداتا بتاعت الشركة دلوقتي هبعتلك تليفون دق عليه كلمه وحدد معاه ميعاد
العميل: أنا اتشرفت بيك على الصعيد الشخصي ونتقابل يعني يا باش مهندس
المهندس منسي: أنا مش موجود في فرع معين، أنا موجود في كل الفروع، يعني بلف على الفروع بس، إنما همه اللي هيقابلوا حضرتك
العميل: أنا فاهم، أنا فاهم والله، بس أنا بقول لحضرتك نتشرف بيك يعني
المهندس منسي: الله يبارك لك يا غالي
العميل: لو حضرتك لو في التجمع أو قريب نقعد أنا وإنت حضرتك، نشرب حاجة بره يعني
المهندس منسي: ده شرف ليا، ده شرف ليا، بس صدقني لو كنت أقدر ما كنت اتأخرت عنك أبداً
العميل: أكيد هنتقابل، لما أشتري بقى منك نبقى نشوف أقدر… لما ناخد الأوردر من بعض وتعرف مين سامح جلال أكيد أكيد هنتغدا ونتعشا مع بعض كمان
المهندس منسي: ده شرف ليا
العميل: فإن شاء الله نيجي نشتري مكنتين كمان
المهندس منسي: ربنا ييسر لك أمورك
العميل: مكنة تغليف ومكنة اللي بيطبع التاريخ بالليزر والحاجات دي
المهندس منسي: إن شاء الله
العميل: طيب ماشي يا باش مهندس، أنا هسيف رقم حضرتك دلوقتي عندي وأنا اسمي سامح جلال، وعلى الرقم ده واتس إن شاء الله
المهندس منسي: ماشي يا غالي
العميل: تسلم، تسلم، شكراً لوقتك، وشكراً لاهتمامك، السلام عليكم