ماكينة تعبئة للسكر والأرز من شركة مهندس منسي
ماكينة تعبئة للسكر والأرز من شركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: باش مهندس منسي
المهندس منسي: أيوه
العميل: أهلاً وسهلاً يا فندم
المهندس منسي: أهلاً بيك
العميل: مع حضرتك محمد هلال
لو سمحت كنت حابب أستفسر عن أسعار ماكينات التعبئة والتغليف للأغذية، زي السكر، والرز، والعدس… كده يعني
المهندس منسي: آه… في نص أتوماتيك وفي أتوماتيك، حضرتك عايز أنهي فيهم؟
العميل: دي تعمل كام؟ ودي تعمل كام؟ وإيه متوفر وقت أد إيه؟ كده يعني
المهندس منسي: هوه مافيش توفير، هي العملية النص أتوماتيك بتعمل في حدود
العميل: تمام
المهندس منسي: والأتوماتيك بتبدأ من
العميل: تمام… دي ما بتحتاجش عمالة الأتوماتيك مثلاً، والنص أتوماتيك بتحتاج عمالة…
المهندس منسي: آه.. بتحتاج واحد بس يقف عليها
أما الأتوماتيك برده بتحتاج واحد، يعني دي بتحتاج واحد، ودي بتحتاج واحد، ولكن الأتوماتيك الواحد اللي واقف عليها بيبقى واقف بيلعب في الموبايل
أما في النص أتوماتيك بيناولها، وبياخد الكيس منها ويحطه على سير
العميل: طب هي صعبة التشغيل يعني ولا سهل الواحد…
المهندس منسي: بص إنت مع المهندس منسي أسهل مكن في العالم
العميل: إن شاء الله
المهندس منسي: والفضل كله يرجع للشعب المصري الجميل
قعد مطريها وإحنا قاعدين نصمم، نصمم…. لأن إحنا مش بنتاجر، إحنا بنصمم ونصنع قطع الغيار بره مصر، وبعد كده بنجمع ونركب المكنة بس
العميل: ده جميل جداً
طبعاً الدفع بالمصري ولا بالدولار؟
المهندس منسي: لا إحنا بسنمي بس بالدولار إنما بناخد بالمصري عادي
العميل: طيب جميل جداً
إنتاجية المكنة النص أتوماتيك تقدر تعمل أد إيه؟
المهندس منسي: تعملها في حدود طن في الساعة
العميل: ده جميل جداً، طيب أنا آسف اتكلمت كتير بس حابب أستفسر بس
المهندس منسي: خد راحتك
العميل: طب بالنسبة للأكياس هل في إمكانية أطبع عليها تاريخ الصلاحية أو أي كلام ولا إيه الوضع؟
المهندس منسي: آه فيها آه
العميل: ولا هي لازم تبقى مصممة وجاهزة
المهندس منسي: لا عادي، في النص أتوماتيك… ممكن تاخد وحدة تاريخ نص أتوماتيك، أو وحدة تاريخ يدوي جنبها
العميل: تمام.. دي بتعمل كام؟
المهندس منسي: في حدود
العميل: دي بتطبع تاريخ الصلاحية بس والإنتاج، ولكن ما تبطعش اسم، ما تكتبش رقم تليفون، تصميم…؟
المهندس منسي: لا عادي لا عايز تحط باتش نمبر وحاجات من دي تقدر تحط باتش.. كل العملية هي بيبقى جاي معاها درج فيه أرقام، كل العملية إنك بتشيل الدرج ده وبتحط مكانه بتاج وتعمل كل اللي إنت عايزه
العميل: تمام.. أكتب أرقام بس، بس ما أقدرش أحط لوجو، صورة، كلام…
المهندس منسي: تقدر.. تقدر تحط ولكن مش تحط صورة بالألوان
العميل: لا
المهندس منسي: صورة بالألوان تحطها على الطابعة بتاعت الكيس عادي، أما في تاريخ الإنتاج تقدر تحط صورة واضحة يعني
العميل: أنا أقصد لو عايز أحط لوجو على الطباعة نفسها
ده عادي، تحطه عن طريق المكنة؟
المهندس منسي: آه …. مكنة التعبئة والتغليف دي مكنة تعبئة وتغليف، اللي الأكياس بتبقى جايه مطبوعة جاهزة
العميل: تمام.. يعني أنا المفروض أجيب الأكياس من المصنع
المهندس منسي: إحنا برده بنصنعلك الأكياس لو احتجت مننا، افرض قلي لأ أنا مش هاخد منكم، هنقولك لا والله لازم تاخد؟؟!!!! خد راحتك
العميل: لا مش القصد، أنا أقصد الفكرة إن في وحدة مثلاً بتصنع الأكياس وكده، ولا أقدر أتحكم فيها..
المهندس منسي: آه
العميل: هوه مكنة تاني، لكن لو حضرتك بنظام الطباعة ده مافيش مشكلة الأكياس مثلاً بتبقى عبارة عن رول والمكنة….
المهندس منسي: بالنسبة للأتوماتيك إنت بتركبلها الرول، أما بالنسبة للنص أتوماتيك إنت بتديلها الأكياس جاهزة
العميل: يعني أنا بقطع الأكياس من الرول وأدي الكيس للمكنة
المهندس منسي: لا ما بتقطعش إنت بتاخدها أكياس جاهزة
العميل: آه باخدها متقطعة وهي المكنة بتعبي وتلحم بس
المهندس منسي: آه
العميل: طيب جميل جداً، يعني كده إن شاء الله بنتكلم في 1 في المكنة بالوحدة بتاعت الإنتاج والصلاحية
المهندس منسي: إن شاء الله
العميل: بإذن الله، أنا هكلم حضرتك إن شاء الله لما آجي أنفذ على طول في نفس اليوم، ولا بتاخد وقت في التجميع والتصنيع؟
المهندس منسي: لا دي موجودة بضاعة حاضرة
العميل: طيب ده جميل جداً، أولاً أنا اتشرفت جداً إن أنا أكلم حضرتك، وآسف على الإزعاج، وإن شاء الله بإذن الله قريب
المهندس منسي: إن شاء الله
العميل: شكراً يا باش مهندس
المهندس منسي: ماشي يا باشا مع السلامة
العميل: مع السلامة