ماكينة تعبئة الدقيق حتي كيلو ماركة مهندس منسي
ماكينة تعبئة الدقيق حتي كيلو ماركة مهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: أستاذنا أهلاً بيك
أنا كلمت حضرتك الظهر كده على المكنة اللي هي تعبئة كيلو دقيق
المهندس منسي: آه إنت هتعبي دقيق
العميل: آه
المهندس منسي: بس اتأكد إنك هتعبي دقيق، لأنه مكنة الدقيق لوحدها، فالناس بيقولوا مكنة باودر، مكنة الباودر الدقيق غير الباودر العادي
العميل: أنا فاهم
المهندس منسي: يعني لما تيجي تعبي مسحوق غسيل أو سكر بودرة أو.. أو.. أو… دي ماسمهاش باودر، هي اسمها باودر آه، ولكن الدقيق بالذات، الدقيق، والبن، والـ…
العميل: عشان الكثافة.. أنا فاهم
المهندس منسي: أيوه دول ليهم مكنة مخصوصة يعني
ماشي يا غالي
العميل: بقول لحضرتك أنا عايز… مش أنا كلمتك على مكنة تعبي كيلو دقيق، قلتلي موجودة؟
المهندس منسي: آه موجودة آه
العميل: طيب أنا قلتلك حضرتك ابعتلي على الواتس عرض أسعار وصورتها
المهندس منسي: آه هوه إنت ما كلمتنيش أنا، ده هوه التليفون ده حول على واحد تاني، خد رقم تليفونه
العميل: إنت حضرتك الباش مهندس منسي؟
المهندس منسي: أنا المهندس منسي نفسه
العميل: أيوه يا باش مهندس إزيك يا باش مهندس
المهندس منسي: أهلاً بيك مين معايا؟
العميل: أنا الحاج جابر من المنصورة أنا جيتلك قبل كده وخدت من عند حضرتك مكنة حبيبات
المهندس منسي: آآآآآآه افتكرت في البداية خالص، كنت جاي مع واحد بيعبي مكسبات طعم وريحة
العميل: آه.. آه…
المهندس منسي: واحد روحه خفيفة كده وحلو كده
العميل: آه.. آه…
المهم أنا دلوقتي عايز أعبي كيلو دقيق
المهندس منسي: ماشي يا غالي
العميل: حتى أنا كلمته فقالي موجودة…
المهندس منسي: آه ده المهندس محمد جاد من ميت غمر برده من عندنا
العميل: تمام
المهندس منسي: أنا هبعتلك خد رقمه أهوه كلمه قوله أنا عميل قديم عندكم عشان يعمل واجب يعني
العميل: طب هوه الواتس و متوفر معاه؟
المهندس منسي: آه كل حاجة، معاهم صلاحيات
العميل: طب إديني رقمه كده؟
المهندس منسي: 01211116954
العميل: تمام
المهندس منسي: شرفتنا يا غالي
العميل: الله يكرمك
المهندس منسي: ماشي مع السلامة