ماكينة وزنية لتعبئة السكر و المواد التموينية من شركة مهندس منسي

ماكينة وزنية لتعبئة السكر و المواد التموينية من شركة مهندس منسي

العميل :ايوه يا باشا  ممكن أسالك سؤال واحد كمان

المهندس منسي : اتفضل

العميل :هي المكنة دي صيني

المهندس منسي : ما هو انت تظلمني لو قلت صيني لسبب بسيط لان أنا كنت بصنع هنا في مصر

العميل :تمام

المهندس منسي : أنا مش تاجر أنا مصنع فبقيت أصنع في الصين لحسابي و اجيبها و اجمعها يعني ابن بلدك هو اللي عمل التصميمات و عمل كل حاجه

العميل :يا باشا علي دماغي يا باشا بس المكنة دي ليها ضمان طيب

المهندس منسي : حبيب قلبي ضمان سنة ضد عيوب الصناعة ….. صل علي النبي

العميل :عليه الصلاة و السلام

المهندس منسي : التليفون اللي في ايد معاليك نوعه إيه ؟

العميل :التليفون اللي في ايد معاليه نوعه سامسونج

المهندس منسي : أنت متأكد أنه من كوريا

العميل :لا يا باشا انا عارف انه تقفيل صيني بس  قبل كده كان سامسونج الاصلي

المهندس منسي : الله ينور عليك أخوك بقي المهندس منسي واخد بالك ده متعلم في المانيا و دارس في المانيا فلما جيه رسم ، رسم بناء علي الرسومات الهندسية الصح و لما جيه اختار ..اختار معادلات صح أسال عن ماركة المهندس منسي في السوق و شوفها كويسه ولا مش كويسه

يا باشا أنت من كلامك بقولك إيه باشا بس في حاجه بردوا أنا داخل مشروع أنت فاهم

المهندس منسي : عارف والله وحد الله عارف أحنا بنحتك شغلتنا مع الناس اللي لسه بديه يعني معناها ده راس ماله فاهم والله فانا مش هنام متقلقش خالص صدقني لو المكنة فيها مشاكل مش هاجبها ومش هتفاهم فيها أنا بصنع مش بتاجر

العميل :أنت مش شغال في البلدي

المهندس منسي : المكن البلدي

المهندس منسي : كنت بصنعه بس وقفته الصنعه في مصر حاجه تتعب العيال الصنايعيه في مصر بقوا حاجه متعبين جدا علشان كده لاجأت للصين صنعت هناك و جمعت و جبت في البداية كنت بصنع هنا في مصر بس لاقيت دي حاجه تجيب الضغط اللي عايز يضغط نفسه يصنع حاجه في مصر كذب و خداع و غش و مواعيد

ياراجل ده انا رحت مرة صالحت صنيعي علي مراته اه والله …هعمل ايه ما انا عايز اشتغل

العميل :طيب يا باشا المكن ده أنا خايف يكون كده انت فاهم

المهندس منسي : وحد الله قول لا اله الا الله …. هو انت اسال عن البشمهندس منسي لو المهندس منسي ده راجل مش كويس يبقي خالص

العميل :يا باشا أنت مظبوط علشان انت ابن بلدي لكن المكن الصيني أنا خايف منه الصيني مبيبقاش مظبوط

المهندس منسي : ما تصل علي النبي …. أحنا زينا زي سامسونج و ال اتش بي وزي اندرويد و التوشيبا وزي كل الناس الموجوده في السوق دلوقتي اسم المهندس منسي محطوط علي المكنة تبقي المكنة محترمة مش محطوط عليها معرفهاش بص يا سيدي أاقولك ايه الفرق ؟

المهندس منسي : أنا راجل مصنع و كنت بصنع هنا في مصر بس الصنايعيه ملهوش مزاج يشتغلوا بيكذبوا و بس عايزين ياخدو فلوس و بس قفش القرشنات من هنا أنسي انك تعرف تجيبو عايز تجيبو اديله قرشنات تانيه فاضريت اني اعمل ايه مش أنا كنت بصنع في ورش هنا نفش العملية بقيت بصنع في ورش هناك

العميل :بس المكنة دي مبتنزلش مثلا 9.3 جرام ، 910 جرام لا الكيلو كيلو

المهندس منسي : لما تروح قوله انا عايز المكنه الوزنية

المهندس منسي : أنت هتعبي للتموين و لا ايه ؟

المهندس منسي : أنت هتعبي للتموين و لا السوبر ماركت  ؟

العميل :لا السوبرماركت بس عشان التوزيع يبقي تمام

المهندس منسي : أنت عايز تشتغل باحترام

العميل :تمام عايز اشتغل مظبوط

المهندس منسي : الله ينور عليك

المهندس منسي : روح يا باشا و قوله عايز اشوف المكن الوزني وضعه إيه ؟

العميل :نفس صح

المهندس منسي : إن شاء الله

العميل :تمام يا باشا …. حدايق القبه

المهندس منسي : آه انا بعت لك الداتا في رساله

العميل :تمام يا باشا وصلني

المهندس منسي : ماشي يا غالي

العميل :مع السلامة