ماكينة تعبئة السكر في اكياس اتوماتيك من شركة المهندس منسي
ماكينة تعبئة السكر في اكياس اتوماتيك من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : كيف الحال
المهندس منسي : الحمد لله
العميل : شركة المهندس لعالم التجارة
المهندس منسي : آه اتفضل
العميل : حبيبي بسأل عن مكنة تعبئة السكر
المهندس منسي : آه موجودة إنت عايز السكر في إيه؟؟ سكر في أكياس؟ ولا سكر في أكياس رفيعة؟ ولا إيه؟؟
العميل : في أكياس حبيبي
المهندس منسي : آه موجودة إن شاء الله
العميل : طيب المكنة اللي عندك إيه؟
المهندس منسي : لأ دي ماركة… براند
العميل : صنع فين؟
المهندس منسي : ما هوه ماركة.. ماركة، يعني إنت النهاردة لما تيجي تجيب تليفون سامسونج مثلاً بتقول ده صنع فين؟؟؟ دي ماركة، يعني إحنا مصنعين قطع الغيار عاملنها براند نيم، فهمت إزاي؟
العميل : يعني محلي؟؟
المهندس منسي : لأ دي ماركة عالمية على مستوى العالم، يعني إحنا مصنعين قطع الغيار في تايوان وفي….
العميل : إيه هي الماركة؟
المهندس منسي : ماركة المهندس منسي
العميل : المنسي
المهندس منسي : آه…
العميل : طيب الماتور والـ….
المهندس منسي : الماتور براحتك، الماتور اللي موجود فيها صيني درجة أولى، لو عايز المواتير ألماني أو إيطالي ممكن نعملك الماتور ألماني أو إيطالي
العميل : أنا عايز الحاجة جاهزة
المهندس منسي : ما هي جاهزة، هي المكنة جاهزة، إحنا اللي مصنعنها، إحنا مش تجار، إحنا مصنعين، واخد بالك، يعني إيه بقى؟؟؟ يعني إنت دلوقتي بتقلي شيل الماتور ده وحطلي ماتور إيطالي، أروح شايل الماتور قدامك في ثانية وأروح مركبلك ماتور إيطالي، إنما لو أنا تاجر هعمل إيه، هقولك لأ أصل المكنة ماقدرش آجي ناحيتها، فهمت
العميل : آه…
المهندس منسي : يعني أنا دلوقتي مهندس مصنع، مش تاجر
العميل : أيوه.. أيوه…
المهندس منسي : فهمتني يا ابن عمي
العميل : طب اللي عندك دلوقتي جاهزة إيه؟
المهندس منسي : إيه اللي جاهزة إيه؟؟؟!!!!!
العميل : ما بقولك جاهزة من ساعتها، جاهزة… جاهزة حلو، إيه؟ كام حصان؟ بتعبي كام كيس؟
المهندس منسي : كام حصان إزاي؟
العميل : سرعتها
المهندس منسي : آه السرعة بتاعتها من ـ 7500 كيس في الساعة
العميل : في الدقيقة كام
المهندس منسي : احسبها بقى، اكتب اللي أنا بقولهولك ده في ورقة كده واحسبها
العميل : مرة تانية… مرة تانية…أد إيه؟
المهندس منسي : من ـ 7500
العميل : طب فول أتوماتيك؟
المهندس منسي : فول أتوماتيك وفي نص أتوماتيك
العميل : التعبئة أتوماتيك
المهندس منسي : آه
العميل : أوكيه، الأكياس المستعملة فيها إيش هي؟
المهندس منسي : كل أنواع الأكياس
العميل : حتى الأكياس بتاع التموين
المهندس منسي : لأ أكياس التموين إيه؟؟ ما هي أكياس التموين دي تتعبه أتوماتيك؟؟؟!!!!
العميل : هلأ في أكياس تموين تتعبى بالمكن؟
المهندس منسي : آه أكياس التموين… إنت منين؟
العميل : أنا من الأردن يا حبيبي
المهندس منسي : أهلاً بيك، أكياس التموين هوه في الأردن في أكياس تموين؟
العميل : لأ أنا بحكي هنا مش في الأردن يا حبيبي
المهندس منسي : آه يعني إنت بتستثمر هنا؟
العميل : نعم
المهندس منسي : آه.. آه… أكياس التموين إحنا عملنا لها خامة مخصوص عشان خاطر تشتغل على أكياس التموين، أما أي مكنة أتوماتيك موجودة واخد بالك استحالة تشتغل على أكياس التموين، يقولوا بتشتغل.. يقولوا ما بتشتغلش ده كلام فاضي….
العميل : لأ ما أنا سألت بأكتر من شركة قالي لأ مش هينفع
المهندس منسي : آه.. آه… يا سيدي الفاضل، العملية أصل إحنا بنشتغل بلغة هندسة وحسابات، يعني إيه؟؟؟ يعني النهاردة لما تروح تجيبلي خامة هاي الزيرو بتاعها مش محسوب وتقولي شغالهالي على مكنة أتوماتيك إزاي؟؟؟!!!
العميل : آه…
المهندس منسي : في خامة معمولة مخصوص للمكن الأتوماتيك وشغلناها وزي الفل، أما….
العميل : بيقولي اللحام ما ينفعش الكيس تحطه اللحام هيتحرق مش هيسكر يعني
المهندس منسي : أيوه الله ينور عليه اللي قلك كده، ده حد محترم اللي قلك كده
العميل : محترم من أنهي ناحية
المهندس منسي : ما هو راجل محترم اللي قلك كده
العميل : يعني مضبوط الحكي؟
المهندس منسي : مضبوط والله
العميل : مضبوط…طيب شو سعر المكنة هاي اللي عندك يا حبيبي؟
المهندس منسي : الأتوماتيك، وفي نص أتوماتيك بـ
العميل : طب موقعكم فين يا حبيبي، عنوانكم؟
المهندس منسي : هبعتلك العنوان في رسالة حالاً
العميل : يا ريت ماشي مع السلامة
المهندس منسي : سلام