ماكينة تعبئة حبوب من شركة المهندس منسي
ماكينة تعبئة حبوب من شركة المهندس منسي
العميل: السلام عليكم
المهندس منسي: عليكم السلام ورحمة الله وبركاته
العميل: لو سمحت كنت عايز كرافته مكنة
المهندس منسي: الكرافتة
العميل: آه 16 ميكرون
المهندس منسي: المكنة بتاعتنا؟
العميل: لأ
المهندس منسي: الكرافتات بتاعتنا إحنا بس
العميل: هي ما تركبش يعني يا باش مهندس؟
المهندس منسي: لأ إحنا ما بنبعش قطع غيار إلا لمكنا إحنا بس
العميل: أصل المكنة دي مش بتاعت حد خالص أنا اللي مستوردها
المهندس منسي: ما هوه يا سيدي الفاضل إنها بنسبورت على مكنا إحنا بس
العميل: آه… طب هوه سعرها كام معلش لمكنكم إنتم؟
المهندس منسي: لأ هوه مش عملية سعرها كام، إحنا بنتكلم في حاجة ما لهاش دعوة إن إحنا نقعد نقول أسعار وحاجات من دي
العميل: هوه تصنيع إيه طيب؟
المهندس منسي: هوه إحنا شركتنا شركة المهندس منسي
العميل: يعني المكنة ماركة شركة المهندس منسي
المهندس منسي: آه
العميل: طب لو المكنة مستعملة مش تبعكم برده بتعملوا عليها سبورت يعني
المهندس منسي: لا بنبيع لمكنا إحنا بس
العميل: لا مش فاهم قصدي، أنا أشوف مكنة بتاعتكم مستعملة…
المهندس منسي: لأ إحنا مع العميل الأول، لو العميل الأول عملنا.. يعني بينقل ملكيتها لحد يورينا نقل ملكيتها
العميل: أيوه معلش بس بتعملولها صيانة عادي وكل حاجة عادي، عشان لو أحب أشتري مكن من عندكم أشتري ولا ما أشتريش
المهندس منسي: لأ لو ماركتنا بتقوله فين الشهادة بتاعت الشركة وتشوفها إذا أوكيه خلاص، بنعتمدها
العميل: تمام.. تمام.. طيب
المهندس منسي: إحنا بنحاول نحقق نظرية الأمان بعد البيع يعني، فإحنا أوردي مضغوطين على أساس إن نبقى سبورت على العميل بتاعنا كويس، فلو صيانات بره فإحنا مش هنبقى سبورت على العميل بتاعنا كويس
العميل: آه تمام آه
المهندس منسي: عايزين ندلعه ونضبطه ونخليه قاعد متهني كده وباشا، إنما لو إحنا اتزحمنا من بره هندلعه، هنقوله…
العميل: لا أنا فاهم، أنا بشتري قطعة غيار
المهندس منسي: هنقوله استنى اصبر علينا شويه إحنا مش فاضيين لك، إنما إحنا دلوقتي اللي جاي على أدنا
العميل: آه… طب المكنة 5 جرام تعمل كام كيس واحد
المهندس منسي: تعمل ، ولو هتستلمها من الصين
العميل: لا مش من الصين من عندك بقى، إنت بتبيع بالدولار دلوقتي؟
المهندس منسي: لأ إحنا بنحط حاجة معيارية نمشي عليها، لو قلتلك دلوقتي بـ 100 جنيه ولا ألف جنيه هتيجيلي بكره هقولك بقت بـ 2100، 2003 ، 2020 وطب ليه الخوته دي بقى، فإحنا بنحط مقياس نمشي عليه، بس إحنا هناخد منك بالمصري عادي
العميل: طب شامل الضريبة ولا لأ؟
المهندس منسي: غير شامل، وفي أوفر اليومين دول 20% تاخده، ديسكاونت
العميل: يعني إيه؟
المهندس منسي: يعني النهاردة تعمل بالمصري 86 يعني الدولار بنضربه × 16 ما إنه في السوق بـ 20
العميل: طيب تمام كويس إنك قولتلي عشان كنت لسه هقعد أحسبها مع نفسي
المهندس منسي: ده أوفر على الدولار مش على المكنة
العميل: آه.. تمام كويس، ماشي 16 × … بقول لحضرتك دي لحام ثلاثي ولا رباعي، ولا مش فارقة معاك؟
المهندس منسي: لا مش فارقة
العميل: طيب باخد الكرافتة أنا على المقاس اللي أنا عايزه؟
المهندس منسي: آه طبعاً
العميل: طب تمام… يعني إنت المكن بتاعك صناعة محلي ولا مستورد؟
المهندس منسي: لأ المفكر والديزاينر مصري، درس في ألمانيا باخد بكالريوس هندسة من ألمانيا، وعملنا قطع الغيار بس هناك، ما اشتريناش مكن من الصين وجينا نستبب فيه، يعني ما رحناش اشترينا مكن وجينا نسترزق فيها هنا لأ، إحنا صنعنا قطع غيار هناك واستوردنا عليهم كروت وحاجات من دي من تايوان، يعني يعتبر المكنة مجمعة في عدد من الدول يعني، ورحنا مجمعنها، جمعناها بس
العميل: طب يا باش مهندس في خصم حضرتك بتعمله ولا حاجة، يعني كده الـ 70 دول عليهم خصم؟
المهندس منسي: 70 إيه؟
العميل: 70000 بتوع المكنة
المهندس منسي: حوالي 76 أو 72 مش فاكر
العميل: آه في خصم عليه لما آجي أنفذ مثلاً ولا كده خلاص
المهندس منسي: أعمل خصم أكتر من كده إيه؟
العميل: أنا بشوف بس يا باش مهندس الإمكانية إيه بدل ما أشتري واحدة مستعملة أجيبها جديدة
المهندس منسي: حضرتك لو حسبتها هتلاقي سعرها… ده سعرها أرخص دلوقتي من لما جيبتها من الصين
العميل: آه… طيب تمام… ما اتعرفتش حضرتك مين
المهندس منسي: المهندس منسي معاك
العميل: إزيك يا باش مهندس
المهندس منسي: الحمد لله
العميل: تمام.. خلاص ماشي يا هندسة، شكراً يا باش مهندس، شكراً يا باشا، مع السلامة
المهندس منسي: مع السلامة