ماكينة تعبئة وتغليف السكر الأوتوماتيك من شركة المهندس منسي

ماكينة تعبئة وتغليف السكر الأوتوماتيك من شركة المهندس منسي

العميل :السلام عليكم

مهندس منسي : وعليكم السلام ورحمة الله وبركاته

العميل : عندك تغليف بكام تغليف وتعبئية

مهندس منسي : اه مكينة ايه ؟

العميل : حضرتك رديت عليا اول مرة .

مهندس منسي : انا مش متذكر بس هو احنا عدد بيرد .

العميل : اه يعنى فى ناس تانية بترد ؟

العميل : اه

مهندس منسي : احنا عدد

العميل : قولى يعنى هقولك تعملى ايه انا لسا بدرس المشروع يعنى

مهندس منسي : اه

مهندس منسي : انت عايز مكينة تعبئية وتغليف ؟

العميل : اه بس قولى يعنى هعرفلك حاجات كتير يدوى مش عارفة ايه ولا ايه ولا ايه ، انا لسا بدرس المشروع .

مهندس منسي : اه

مهندس منسي :  فى نص اوتوماتيك وفى اوتوماتيك .

العميل : اه ، نص اوتوماتيك بكام  ؟

مهندس منسي : ما هو تعبئية وتغليف ايه   ؟  انت هتغلف ايه ؟

العميل : انا مدام

مهندس منسي : اهلا بيكى

العميل : اهلا بحضرتك

مهندس منسي : فى مكنة نص اوتوماتيك عاملة    وفى مكنة اوتوماتيك عاملة

العميل : اه يعنى الدولار على كام انهاردة    ،  16

مهندس منسي : اه احنا بنحسب على 16 فى السوق تقريبا ب 18 ونص بس احنا بنحسب على 16 عشان احنا شركة مالتى ناشونال عشان كده لما بنيجى نتحرك بنتحرك بفترة زمنية مش بتنحرك بيوم .

العميل : ايوه ايوه

العميل : اه طيب السكر هنجيبه منين والكلام ده ولا ايه ؟

مهندس منسي : عملية السكر مش بتاعتى انا بالنسبة لى بس تغليف وخامات

العميل : انا فاهمة انا فاهمة    ، بس نقدر نجيب سكر ولا فى ازمة ولا فى ايه ؟

مهندس منسي :  نصيحة من اخ لاخته

مهندس منسي : لا هوهو صدقينى مش متابع عملية جلب السكر ده منين بس اللى كان عامل الازمة عملية تجميد الجنيه ومولد النبى

العميل : ايوه ايوه   هو لسا فى ازمة لحد دلوقتى

مهندس منسي : بس نصيحة منى ممكن تعملى اكياس 100 جرام او ربع كيلو كده يعنى

العميل : لا لا لا غلط بيقولوا غلط فى الحكومة

مهندس منسي : غلط ازاى    ، لا هو بيقولك اكتبى الاسباب صريحة

العميل : ايوه ايوه    ، نعمل الربع ونعمل النص

مهندس منسي : لا يا فندم ال100 جرام والربع  ،  ليه بقي عشان دلوقتى اللى كان مش قادر يشترى الكيلو قادر يشترى الربع

العميل : بس انا هشترى الطن مكتوب على النت 7 الاف مكتوب كده على النت

مهندس منسي : اه اه

العميل : طبعا هبيع الكيس ب 7 ونص ولا حاجة بعد تغليفه  .

مهندس منسي : قصدى لما تعملى دلوقتى باكت فى 4 اكياس سكر .

العميل : ايوه فهماك فهماك  ، زى الفرخة فى ناس بتشترى الورك على وركين على قدهم صدر على قدهم عشان اللى مش قادر عشان الحاجة غالية .

مهندس منسي : طب ماشي يا فندم .

العميل : مش انت اللى رديت عليا على فكرة وقالى هقولك معلومات كده هيوقفنى على رجلى مش انت اللى رديت عليا وقولت اتصل عليك بالليل بس بصراحة متصلتش غير امبارح وكان التليفون مقفول قولت عندكم الاحد اجازة تقريبا  .

مهندس منسي : هيوقفك على رجلك ازاى ؟

العميل : قالى هعمل ايه واسوى ايه لان بقوله لسا بدرس المشروع  .

مهندس منسي : اه

مهندس منسي : طب هو انتى لو دخلتى على الانترنت فى المواقع بتاعتنا هتلاقيك داخلة على اجابات صريحة ليا او لزملائى وعليها فوائد   ، اعملى اى كلمة بحث وراها المهندس منسي هتلاقيكى داخلة على موقع باسم المهندس منسي .

العميل : على الفيس يعنى ؟

مهندس منسي : لا على جوجل

العميل : اه طيب مع السلامة

مهندس منسي : مع السلامة