ماكينة تعبئة السكر نصف أوتوماتيك و أوتوماتيك من شركة المهندس منسي
ماكينة تعبئة السكر نصف أوتوماتيك و أوتوماتيك من شركة المهندس منسي
العميل : السلام عليكم، صباح الخير
مهندس منسي : صباح الخير يا فندم
العميل : شركة المهندس منسي
مهندس منسي : أيوه
العميل : أهلاً وسهلاً، أنا المهندس يحيى من ليبيا عايز أستفسر عن آلة تعبئة السكر 5 جرام المستطيلة للفنادق
مهندس منسي : آه موجودة
العميل : هي إنت كاتب سعرها مش كده؟
مهندس منسي : كده إنت بتتكلم على أنهي مكنة بقى؟ ابعتلي الرابط بتاعها أشوفها
العميل : المكنة الـ 901 موديل إم تو باك 901
مهندس منسي : آه دي بتعبي نص أتوماتيك
العميل : آه نص أتوماتيك
مهندس منسي : آه
العميل : طب والفول أتوماتيك
مهندس منسي : بتعمل
العميل : طب ممكن مافيش فيديو عندكم أو حاجة؟
مهندس منسي : في فديوهات
العميل : طب هي اسمها إيه الماكينة؟
مهندس منسي : هي رقمها 902، لو كتبت 902 المهندس منسي، أو بعتلي طلب استفسار أبعتلك الفيديو
العميل : طب لو عايز أدفع بالمصري
مهندس منسي : مافيش مشكلة
العميل : طب أبعتلك أنا إيميل وتديني الأسعار بالمصري؟
مهندس منسي : إن شاء الله، لأ هديلك الأسعار بالدولار وإنت حولها مصري
العميل : ما هو أنا كام؟ ما هو بره بسعر، والمصري بسعر مش عارف
مهندس منسي : هوه إحنا بنحسب الدولار بـ 16
العميل : على 16 دلوقتي؟
مهندس منسي : لأ إحنا بنحسبه بـ 16 لحين ورود تفاصيل أخرى، يعني إحنا لسه ما جلناش أي تفاصيل تانية، ولكن إحنا بنحسب على 16، ولو جبتلنا الفلوس بالدولار نفسه هنعملك خصم 10%
العميل : طيب تمام، هي المكنة دي بتعمل زي ما أنتم كاتبين كده، أنا عايز أعمل حجمين، حجم كيلو، وحجم 5 جرام
مهندس منسي : لأ اللي بتعمل 5 جرام ما بتعملش كيلو
العميل : ما تعملش، بس النص أتوماتيك هنا كاتبين بتعمل كل الأوزان
مهندس منسي : بتعمل كل الأوزان بس المفروض من 100-1000، في حاجة اسمها معايير الأوزان العالمية، يعني اللي هوه من 5-100، ومن 100-1000، ومن 25-250، ومن 50-500، دي اسمها معايير أوزان، يعني إنت مثلاً تجيب ميزان جواهرجي مثلاً أقصى 100 جرام وتقوله عاوز أوزن عليه كيلو، ما عمره ما يطلع مضبوط، ولا تجيب ميزان بيوزن لغاية كيلو وتقول لما أوزن عليه 1 جرام
العميل : طيب يعني دي مكنة ودي مكنة
مهندس منسي : آه
العميل : أوكيه، ممكن ناخد الـ 2 النص أتوماتيك والتانية، بس التكنولوجي بتستعملوها الحساسات…
مهندس منسي : لأ بص إحنا ماركة، إحنا مصنعين مش تجار، يعني مش بنروح نجيب من بلد مثلاً شوية مكن ونيجي نتاجر فيهم، عارف يعني إيه؟
العميل : لأ أنا فاهم الالكترونكس
مهندس منسي : آه الالكترونكس بيبقى مسئوليتنا إحنا، يعني إحنا عندنا ضمان لمدة سنة، و5 سنين توفير قطع الغيار لحساب حضرتك، معناها إن إحنا اللي مصنعين
العميل : تمام.. تمام.. خلاص أنا هدخل دلوقتي على اللينك وأبعت لحضرتك إيميل إن شاء الله، أنا اسمي المهندس يحيى محمد
مهندس منسي : أهلاً بيك، وهو حضرتك منين؟
العميل : أنا من ليبيا
مهندس منسي : آه.. منين في ليبيا بقى؟
العميل : طرابلس
مهندس منسي : آه… الوضع عندكم عامل إيه دلوقتي؟
العميل : يعني نص نص
مهندس منسي : بيقولوا طرابلس كويسة الدنيا آمنة فيها
العميل : آه آمنة حالياً الحمد لله
مهندس منسي : طب في عندكم بقى منطقة صناعية الواحد ينفع يعمل عندكم مصنع؟
العميل : والله في مناطق صناعية، بس مصنع للآليات ما أعتقدش هيبقى في شغل كتير، إنت عارف عدد السكان محدود والأشياء دي محدودة جداً جداً، يعني ما أنصحكش لأنه مش هينجح
مهندس منسي : آه…
العميل : الأفضل إنك تشحن وتعمل دعاية هنا أفضل من إنك تعمل المصنع هنا
مهندس منسي : آه.. آه.. ما هوه عايز أعمل مثلاً أعمل مصنع صغير على أدي مش مصنع كبير
العميل : بس لسه ما أنصحش في الوقت ده لسه شويه
مهندس منسي : آه… في
العميل : لسه الأمور مش مضمونة 100%، لسه السفارات ما رجعتش والشركات لسه ما رجعتش، فلما تهدى الأمور تبقى مستقرة أكتر يكون في فرصة أفضل يعني
مهندس منسي : آه.. إنما في مناطق صناعية في ليبيا
العميل : لأ في بس محدودة مش بالمعنى زي اللي موجود عندكم يعني
مهندس منسي : إنما الواحد لو عايز ينشئ مصنع عندكم مافيش مشكلة تنشئ في أي منطقة، مش لازم منطقة صناعية؟
العميل : لأ لا في أي منطقة مش مشروط يعني
مهندس منسي : آه.. آه… ماشي
العميل : أي مساعدة باش مهندس اتفضل
مهندس منسي : يا ريت والله أنا حابب إني أفتح عندكم مصنع ولو صغير بحيث يبقالنا عين في ليبيا، بس هوه حضرتك بتقول الدنيا عندك…
العميل : لا دلوقتي لسه الدنيا مش مضبطة 100% لا لسه شويه
العميل : طب وأخبار الشحن هيكون طبعاً على عربيات نقل
مهندس منسي : آه هو الشحن لليبيا أسهل ما يمكن
العميل : آه.. طب بالنسبة للباكينج نفسه الورق التغليف، في عندكم مطابع ممكن تدلني عليها كده؟
مهندس منسي : إحنا اللي بنطبع؟
العميل : إنتم بتطبعوا الورق كمان
مهندس منسي : بيرفيكت 100%
العميل : شفت بقى بتقولي مصنع عندك…
العميل : يعني عندكم يعني كل حاجة متكاملة.. ما شاء الله
مهندس منسي : آه.. آه.. لما يكون بقى مصنع على الأقل لو جينا عندكم عملناه على الأقل خالص هيبقى 250 متر 300 متر، ويبقى مصنع صغير كده
العميل : لا المساحات دي مش مشكلة، إن شاء الله أنا هعمل لحضرتك زيارة هناك قريب
مهندس منسي : إن شاء الله
العميل : هيكون الدنيا تمام بإذن الله
مهندس منسي : إن شاء الله
العميل : الله يخليك، اسم الكريم
مهندس منسي : المهندس منسي، أظن ما عندكوش وزارة استثمار، أقعدت أدور على وزارة استثمار في ليبيا ما لقتش؟
العميل : لأ في هوه الهيئة العامة للاستثمار
مهندس منسي : آه… يعني في هيئة عامة…
العميل : لو حابب أي حاجة أسألك عليها مافيش مشكلة
مهندس منسي : آه يا ريت اسألي…
العميل : ابعتلي إنت بس أنا هبعتلك الإيميل تبعي…
مهندس منسي : هفهم حضرتك النظام عندي إيه؟؟ أنا عامل حاجة اسمها مجموعة كيانات، مش كيان واحد، يعني مثلاً دلوقتي عشان الأوفر هيد ما يبقاش عالي على المستهلك رحت عامل كيانات صغيرة، ورحت عامل إدارة تشرف على الكيانات دي، يعني هتبص تخش تلاقي عندنا شركات كتيرة قوي بأسامي مختلفة، تلاقي عندنا شركة نسر الشرق، شركة التقدم الصناعي، شركة رائد الهندسة الصناعية، شركة قائد الهندسة الصناعية، شركة ليفينا…
العميل : قصدك عامل مجموعة و…
مهندس منسي : الله ينور عليك، فهنا كل مصنع وكل شركة هتلاقيها 300 متر ـ 600، شغال برده في الطاقة الشمسية، بنصنع طاقة شمسية، وبصنع مكن بلاستيك، واخد بال حضرتك
العميل : ما شاء الله
مهندس منسي : وبنصنع كمان الماكينات الـ سي إن سي والبلازما، واخد بالك، وتعبئة وتغليف بجميع أنواعها بقى الخامات والطباعة، فكل ده كيانات صغيرة مع بعضها، فالكيانات الصغيرة تكون كيان كبير قوي، لأن لو كيان منهم وقع الكيانات كلها تتلم حوليه وتشده وتطلعه فوق، أما لو كان كيان كبير واحد بس قوي لو وقع تبص تلاقيه انهار كله
العميل : لا قدر الله
مهندس منسي : زائد إن إنت دلوقتي طلعت من الأوفر هيد، يعني شركتك دلوقتي اللهم لا حسد في هونج كونج والصين وفي مصر وهنا وهنا وهنا… وفي الآخر ما عندكش أوفر هيد، هتلاقي سعرك متميز عالمياً، يعني مش متميز محلياً بس، عالمياً، فالحمد لله إن ربنا وفقنا في الفكر بتاعنا
العميل : ما شاء الله
مهندس منسي : فيا ريت لو تقدر… هي الهيئة العامة للاستثمار في طرابلس ولا في بني غازي؟
العميل : لأ في طرابلس
مهندس منسي : يعني لو…
العميل : ممكن تاخد فكرة، بس هي الأمور دي كلها ما هياش سيفتي دلوقتي في أي مكان، لأن البلد مش مستقرة.. يعني حتى لو فتحت مش هيكون في سوق، وإنت هتجيب طبعاً ناس من مصر، صحيح دلوقتي التأشيرة الدخول من مصر إلى ليبيا…
مهندس منسي : لا أنا هجيب ناس من ليبيا مش من مصر، أصل شغلنا كله…
العميل : طب أنا أدرس لك شوف حضرتك إنت عايز إيه….
مهندس منسي : إنت عارف النهاردة إحنا بنصنع بإيه؟؟ تكنولوجيا حديثة جداً، يعني بنت النهاردة بنت تقعد النهاردة وتصنعلك مكنة، ما عدش زي الأول بقى ورش وتريزا ومش عارف شد وشيل قبالي، لا.. لا.. لا.. النهاردة بترفع حديدك كله بالمغناطيسات وتحطها على المكنة، المكنة بتشتغل بالكمبيوتر
العميل : ما شاء الله
مهندس منسي : يعني اللي بيقعد قدام الكمبيوتر أدي الرسمة يروح دايس ترك تروح المكنة تشتغل لوحدها تخلص القطعة يجمعها بربوت كده في ثانية
العميل : ما شاء الله.. ما شاء الله
مهندس منسي : فإحنا شغالين بأحدث تقدم مش شغالين بحاجات قديمة يعني
العميل : لا ما شاء الله
العميل : أنا لازم أجي أزور حضرتكم بإذن الله
مهندس منسي : أنا هبعتلك الإيميل إس إم إس وهبعتلك الإيميل عن طريق الويب سايد تبعكم، ولو في أي استفسار اتفضل باش مهندس منسي
العميل : إن شاء الله
مهندس منسي : ولما نيجي هناك نشرح لبعضينا أكتر ونشوف الأمر ده
العميل : إن شاء الله
مهندس منسي : اتشرفت بمعرفتك، اسم الكريم إيه؟
العميل : الشرف لينا
مهندس منسي : اسم الكريم؟
العميل : أنا المهندس يحيى محمد
مهندس منسي : أهلاً بيك
العميل : الله يخليك، شكراً باش مهندس منسي، شكراً على وقتك، بارك الله فيك، متشكر قوي