ماكينة تعبئة البقوليات الاتوماتيك والنص اتوماتيك من شركة المهندس منسي
ماكينة تعبئة البقوليات الاتوماتيك والنص اتوماتيك من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : كنت عايز أسأل على مكن التعبئة بتاع البقوليات
المهندس منسي : آه
العميل : رز وسكر وعدس والحاجات ديت يعني
المهندس منسي : آه اتفضل
العميل : عايز أعرف إيه الأسعار
المهندس منسي : هوه في حاجة نص أتوماتيك، وفي حاجة أتوماتيك
العميل : ده بكام وده بكام؟
المهندس منسي : النص أتوماتيك عامله ، والأتوماتيك عامله ، إحنا بنسمي بالدولار بس عشان خاطر ثبات مش أكتر، يعني بدور على حاجة نشاور عليها بس، أما لما إنت تيجي تدينا بالمصري مش هنقولك لأ، هنقولك اتفضل عادي وإحنا ما نقدرش ما ناخدش منك بالمصري، ولكن إحنا بنسمي لك بالدولار كحاجة نسبية لأنه أغلب الناس بتنفذ بعديها بسنة، بعديها بـ 6 أشهر…
العميل : بقولك الدولار سعره أصلاً مذبذب، يعني حتى يوم في الطالع ويوم في النازل…
المهندس منسي : لأ هوه مش الدولار اللي سعره مذبذب، الجنيه هوه اللي سعره مذبذب…
العميل : طب هوه المكنة أصلاً مستوردة ولا تصنيع مصري؟
المهندس منسي : لأ دي ماركة، ماركة عالمية اسمها ماركة المهندس منسي، دي ماركة عالمية لو بحثت بالإنجليزي هتلاقيها، لو بحثت بالفرنساوي هتلاقيها، دي ماركة على مستوى العالم، هي بس مشكلتها الوحيدة إنها طلعت من مصر، إنما الديزاين والتصميم والفكر نفسه ماركتنا، واخد بالك
العميل : تمام.. طب إنتم عنوانكم اللي هوه في باب الشعرية؟
المهندس منسي : إحنا عندنا غمرة، حدائق القبة، مدينة نصر، باب الشعرية
العميل : طيب بالنسبة للشرا كاش ولا في تقسيط
المهندس منسي : كله عندنا كاش، ده الكاش عايزين نلغيه، مافيش عندك حاجة أحسن من الكاش؟؟؟
العميل : طب المكن موجود يعني في أي وقت حبيت أجيبه…
المهندس منسي : آه المكن بضاعة حاضرة، بقولك ماركة، براند، يعني بضاعة حاضرة
العميل : طيب أنا قصدي بس لو حبيت آجي أبص عليه يعني
المهندس منسي : إنت تيجي تنورني يا غالي
العميل : الله يخليك، ماشي يا باشا هشوف الدنيا إيه كده وهبعتلك تاني علي الواتس
المهندس منسي : ماشي.. سلام عليكم
العميل : عليكم السلام ورحمة الله وبركاته