ماكينة تعبئة البقوليات والحبيبات الوزنية من شركة المهندس منسي
ماكينة تعبئة البقوليات والحبيبات الوزنية من شركة المهندس منسي
العميل : سلام عليكم
المهندس منسي : عليكم السلام ورحمة الله وبركاته
العميل : باش مهندس زكريا
المهندس منسي : لأ مهندس منسي معاك
العميل : إزيك يا باش مهندس
المهندس منسي : الحمد لله
العميل : مع حضرتك خالد من الأقصر
المهندس منسي : أهلاً بيك
العميل : أنا كنت حولت للباش مهندس زكريا 10500 تمام من كام يوم، وكان سألهم في المكتب دولت إيه عشان أحجزله الحاجة اللي هوه عاوزها، دولت عربون مبدئي للمكنة اللي هي الصغيرة اللي هي بتاعت البقوليات والحبيبات والحاجات دي اللي هي بنظام موازين اللي فيها فيبريشن
المهندس منسي : آه…. آه.. ماشي
العميل : تمام.. وكنت قلتله بس الدنيا تدفي شويه عشان الجو مش مستقر في القاهرة وأتفرج على المكنة الأوفر الأتوماتيك بتاعت التغليف
المهندس منسي : ماشي
العميل : تمام…
المهندس منسي : ماشي مكنة الأوفر الأتوماتيك بتاعت التغليف موجودة بضاعة حاضرة
العميل : آه اللي هي الواحد كيلو
المهندس منسي : إن شاء الله
العميل : فدي أنا بعتهاله تحت حساب دول بحيث إن أنا آجي أشوف الحاجة على الطبيعة ربنا أكرمنا الـ 2 تمام نخلص في الـ 2، اللي هتعجبنا لأن دي ليها شغل ودي ليها شغل، وفي شغل تاني أنا برده
المهندس منسي : لا ييسرلك ربنا، ماشي هبعتلك رقمه في رسالة حالاً كلمه بقى تابع معاه
العميل : الرقم التاني بتاع الواتس عندي يعني، أنا فاكر الرقمين معاه، لأن عندي الرسالة اللي أنا بحوله عليها على البريد الفلوس
المهندس منسي : ماشي يا باشا
العميل : هرجع للرسالة يا باش مهندس وهكلمه أنا، وآسف على الإزعاج معلش
المهندس منسي : ولا يهمك يا باشا مع السلامة
العميل : تسلم.. تسلم.. ربنا يحفظك يا باش مهندس