مكنة تعبئة و تغليف السكر البودرة 5 جرام من شركة المهندس منسي
مكنة تعبئة و تغليف السكر البودرة 5 جرام من شركة المهندس منسي
العميل : سلام عليكم
مهندس منسي : عليكم السلام ورحمة الله وبركاته
العميل : إزيك يا باش مهندس
مهندس منسي : أهلاً بيك
العميل : كل سنة وإنت طيب يا باشا
مهندس منسي : كل سنة وحضرتك طيب
العميل : أحمد مع حضرتك يا باشا، كنت بسأل حضرتك على مكنة تغليف السكر البودرة اللي هي 5 جرام دي
مهندس منسي : آه موجودة
العميل : عاملة كام حضرتك؟
مهندس منسي : يعني 0 جنيه ده مستمر لغاية آخر شهر 9
العميل : دي حضرتك كام خط دي؟
مهندس منسي : خط واحد
العميل : طب لو عايز أكتر من خط؟
مهندس منسي : ما هوه إحنا مشكلتنا في مصر إن إحنا بنحاول بقدر الإمكان نجيب الحاجة اللي خدمة ما بعد البيع فيها نكون مختلفين فيها، أقدر أجيبلك كذا خط ده محبب على قلبي، واخد بالك، ما هو أنا هجيبلك مثلاً أغلى، ولكن كده الخدمة ما بعد البيع هتبقى صعبة، فهمتني إزاي
العميل : آه…
مهندس منسي : الصيانة بتاعتها هتبقى صعبة، ممكن نعمل إيه؟؟ عدد من المكن، ما إنت لو شفت سعر المكنة الـ 4 خط هتلاقي سعرها + 4 مكنات، يبقى إنت لو في عطل في مكنة يبقى في عندك 3 مكنات شغالين
العميل : صح
مهندس منسي : يبقى إنت ما عطلتش، إنما الـ 4 أول حاجة فيها بتبص تلاقي الصيانة بتاعتها صعبة، وطالما فتحت صيانة عد بقى، عيش بقى في الصيانة، واخد بالك
العميل : صح… صح…
مهندس منسي : ولما بتعطل بتعطل كلها، وحد الله
العميل : لا إله إلا الله سيدنا محمد رسول الله
مهندس منسي : من حوالي 7 سنين كان الموبايلات قبل الموبايلات الذكية اللي هي السمارت ديت، مش كنا بنروح نصلح الموبايل عند ميشو وعند مش عارف الواد زقلة والجماعة دول
العميل : صح..
مهندس منسي : لما طلع بقى الموبايلات الحديثة دي نعرف نصلحها عندهم؟؟؟
العميل : لا طبعاً
مهندس منسي : خلاص بنروح نوديها التوكيل وربنا يستر بقى والتوكيل إبقى تعالى قابلني لو صلحها
العميل : صح… وبيصلحوا ويعلي عليك الفيزيتا
مهندس منسي : آه… غير يعلي عليك الفيزيتا تبص تلاقي استحالة يرجع تاني زي الأول، لإن الأوبشنز نفسه عالي، فتبص تلاقي إنت قدامك على الأقل 60 خطوة، فلازم مش هتمشي الـ 60 خطوة مضبوط، إنما الأوبشن الواحد إيه اللي بيتحصل فيه؟؟؟ بيبقى قدامك حوالي 12 خطوة، الـ 12 بالتأكيد إنك تمشي وراهم
العميل : هوه الواحد بيفكر إزاي يا باش مهندس، إن دي بتنجز معايا في الوقت
مهندس منسي : ما هو كل العملية إنك ما وفرتش غير المكان بس، بص صلي على النبي، هي المكنة دلوقتي بتاخد متر2، فهي المكنة اللي هي 4 نزل هتاخد منك 2 متر2، فهمت إزاي، الـ 4 مكنات هياخدوا منك 4 متر2
العميل : صح
مهندس منسي : يبقى كده كل اللي إنت وفرته بس همه 2 متر2، المكنة الـ 4 نزل عامله كام، هتلاقيها النهاردة عامله 18 ـ 19 إذا ما كانش 22000 كمان، سعر الـ 4 مكنات كام ¬ ، الله يبقى أنا ما وفرتش حاجة في الأسعار
العميل : صح
مهندس منسي : طيب،،، التشغيل كام فرد بيشغل المكنة الـ 4 نزل وكام فرد بيشغل الـ 4 مكنات؟؟ فرد واحد يشغل 6 مكنات الواحد نزل
مهندس منسي : طب كام فرد يشغل الـ 4 نزل؟ برده فرد واحد، يبقى أنا ما وفرتش حاجة في العمالة، كل اللي أنا عملته إن أنا حملت على نفسي خدمة ما بعد البيع وقلق بقى، تعب أعصاب
العميل : طب هي حضرتك يا باش مهندس دي ليها ضمان؟
مهندس منسي : آه… ضمان لمدة سنة ضد عيوب الصناعة، و10 سنين توفير قطع الغيار لحساب العميل
العميل : تمام يا ريس
مهندس منسي : إحنا اللي مصنعنها، ولكن مش مصنعنها في جمهورية مصر العربية، إحنا مصنعنها إزاي؟؟؟ إحنا بنستخدم السياسة الألمانية والإيطالية في التصنيع، إن همه بيعملوا إيه؟؟؟ بيرسموا رسوماتهم وديزاناتهم وبيبعتوها الصين أو تايوان يصنعوا قطعة الغيار دي على مكن دايمنشن ومكن ليزر ومكن بلازمه، ونجيب القطع ديت ونبدأ نعملها ستراكشن هنا.. يعني هيكل هنا ونكملها ونركبها هنا، الـ بي إل سي اللي راكب عليها بي إل سي المهندس منسي، يعني بي إل سي بتاعنا إحنا، واخد بال حضرتك
العميل : تمام…
مهندس منسي : ففاهمينوا من الإيه تو زد، طبعاً لما تيجي تبص على الـ بي إل سي بتاعنا هتلاقي المخارج بتاعته 16 مخرج، لما تيجي تبص على الـ بي إل سي شنيجر أو إل جي أو فيلبس هتلاقي 35 ألف أوبش، طب أنا أجيب 35 ألف أوبش أتوه الراجل التكنيكال أو الفني ولا أجيب 12 مخرج، الـ 12 مخرج باينين قدامهم، 12 عملية باينين أدامهم أهم، فهمتني إزاي
العميل : صح.. صح
مهندس منسي : فهنا التجار مبهدلنا في الكلام، يقولك بي إل سي بتاعها سيمنز ألماني، يا عم ما هو سيمنز ألماني على عيني وعلى راسي بس أنا مش محتاجه، أنا محتاج أجيب بي إل سي في 35 ألف أوبشن؟؟!!! ما هو كل اللي عليا أنا جيبت الصداع ووجع الدماغ للراجل خدمة ما بعد البيع، بص وحد الله، أنا بالنسبة لي سهل قوي على دراية قوي إن أنا أطلع آلة أو معدة الآلة أو المعدة ديت أهم حاجة فيها عندي هي خدمة ما بعد البيع، لأن أد إيه خدمة ما بعد البيع ديت مهمة ليا، لأن أنا بتعامل مع الناس بأمانة وضمير لأني ببني اسم
العميل : صح
مهندس منسي : عايز اسم ماركة المهندس منسي ديت تظل زي ما هي تاخد رونق عالي، واخد بالك، زيها زي توشيبا زيها زي الناس اللي هي عملت اسم بأمانة
العميل : إن شاء الله ربنا يوسعها عليك إن شاء الله، بس هي المكنة بتاعتها إيطالي.. الماتور؟
مهندس منسي : بص عملية الماتور نوعه إيه إيطالي أو ألماني حسب رغبتك إنت، الماتور الراكب عليها أوردي صيني، أما إنت لو عايز ماتور إيطالي، ولا أي حاجة، ما تقلقش خالص أغيرهولك بإيطاليا وأدفعك الفرق، الفرق ده هيبقى في حدود 200 ـ 300 جنيه، عايز يبقى عندك الماتورين الـ 2 آدي الماتور الإيطالي أهوه، وآدي الماتور اللي راكب عليها اللي إحنا مختارينوا أعلى ماركة في الصين، يعني إحنا مختارين أعلى ماركة في الصين، لأنه المواتير الألماني والإيطالي ما همه بيجيبوا من الصين بس بيجيبوا ماركات عالية، عايز الماتور بتاعك يبقى إيطالي، ولا حاجة نشيلك الماتور ده ونحطلك الماتور ده وندفعك الفرق، طيب عايز إنت ماتور إيطاليا يبقى جنب الماتور الصيني بحيث إن إنت لو الماتور الصيني عطل تركب الماتور الإيطالي، ولا حاجة هقولك إزاي تركبه
العميل : تمام…
مهندس منسي : فطلع مكنة مفسرة لأنه عارف إن ثقافة العميل عندنا عن المكنة إن المكنة طلعت قماش، ما يعرفش في المكنة عندنا غير كده، اسأل أي واحد كده المكنة إيه؟؟ يقولك آه المكنة طلعت قماش، عندنا معلومات غيرها
العميل : صح…
مهندس منسي : بص على النت كده على أغنية، هتلاقيها جايبه 7 مليون، خش على مكنة هتلاقيها جايبه 17 ـ 20
العميل : صح… لا صح…
مهندس منسي : إن جابت أكتر من كده يبقى خير، اللي هي بتبقى فلصوا دي
العميل : خلاص ماشي يا فندم… ماشي يا ريس
مهندس منسي : ماشي يا برنس
العميل : كل سنة وإنت طيب يا باشا، كل سنة وإنت طيب
مهندس منسي : كل سنة وإنت طيب
العميل : ماشي يا فندم اتفضل